ನಂಬಿದ್ರೆ ನಂಬಿ ಬಿಟ್ರೆ ಬಿಡಿ

‘ಥಟ್ ಅಂತ ಹೇಳಿ’ ಕಾರ್ಯಕ್ರಮದ ಆರಂಭದಲ್ಲಿ ಮಾಡುತ್ತಿದ್ದ ಪುಸ್ತಕ ಪರಿಚಯ ಹಾಗೂ ವ್ಯಕ್ತಿತ್ವ ವಿಕಸನ ಕಥನದ ಜೊತೆಯಲ್ಲಿ ವಿಸ್ಮಯ ಜಗತ್ತಿನ ಭಾಗವನ್ನು ಆರಂಭಿಸಲು ಆಗಲೇ ಇಲ್ಲ. ಆದರೆ ಅದಕ್ಕಾಗಿ ಮಾಡಿಕೊಂಡಿದ್ದ ಹಲವು ಟಿಪ್ಪಣಿಗಳು ನನ್ನ ಬಳಿ ಇದ್ದವು. ಸಾವಣ್ಣ ಪ್ರಕಾಶನದ ಮಿತ್ರ ಶ್ರೀ ಜಮೀರ್ ಅವರು ವಿಸ್ಮಯ ಜಗತ್ತು ಹಾಗೂ ನಂಬಿದರೆ ನಂಬಿ ಬಿಟ್ಟರೆ ಬಿಡಿ ಎನ್ನುವ ಭಾಗಗಳ ಬಗ್ಗೆ ಅಪಾರ ಕುತೂಹಲವನ್ನು ವ್ಯಕ್ತಪಡಿಸಿ ಯಾಕೆ ಒಂದು ಪುಸ್ತಕವನ್ನು ಪ್ರಕಟಿಸಬಾರದು ಎಂದರು. ಈ ರೀತಿಯ ಪುಸ್ತಕವು ನಿಮಗೆ ಹಾಗೂ ನಮ್ಮ ಸಮಾಜಕ್ಕೆ ಎಷ್ಟು ಉಪಯುಕ್ತ ಎಂದು ಆ ಬಗ್ಗೆ ನೀವೇ ಹೇಳಬೇಕು.