ಸಿಂಹಾವಲೋಕನ

ಸಿಂಹಾವಲೋಕನ ಕೃತಿ ಇಂದಿನ ಸಾಂಸ್ಕೃತಿಕ ಅಗತ್ಯಗಳಲ್ಲೊಂದು, ಮೇರು ನಟ ಡಾ.ವಿಷ್ಣುವರ್ಧನ ಅವರ ಚಿತ್ರಗಳನ್ನು ನೋಡಿದ್ದೇವೆ ಅವುಗಳ ಬಗ್ಗೆ ಕೇಳಿದ್ದೇವೆ ಅವುಗಳಿಂದ ಒಂದು ಕಾಲದಲ್ಲಿ ಪ್ರಭಾವಿತರಾಗಿ ಈಗ ಮರೆತಿದ್ದೇವೆ ಕೂಡ. ಇತಿಹಾಸವನ್ನು ಮರೆತವನು ಇತಿಹಾಸವನ್ನು ಸೃಷ್ಟಿಸಲಾರ ಎಂಬುದೊಂದು ಮಾತಿದೆ. ಈಗಿನ ಚಿತ್ರನಿರ್ಮಾತೃಗಳಿಗೆ ಆ ಇತಿಹಾಸದ ಅಧ್ಯಯನ ನಡೆಸುವ ಆಸಕ್ತಿ ಇಲ್ಲದಿರುವುದು ಚಿತ್ರರಂಗ ಎತ್ತ ಸಾಗುತ್ತಿದೆ ಎಂಬುದರ ಸ್ಪಷ್ಟ ದಿಕ್ಕೂಚಿ ಎಂದು ಭಾವಿಸುತ್ತೇನೆ. ಈ ನಿಟ್ಟಿನಲ್ಲಿ ಡಾ.ವಿಷ್ಣುವರ್ಧನ ಅವರ ಚಿತ್ರಗಳು ರೂಪುಗೊಂಡ ಬಗೆ, ಆ ಸಂದರ್ಭದ ಸಂಕಷ್ಟ, ಸಂತೋಷ, ಆ ಚಿತ್ರಗಳು ಬೀರಿದ ಪರಿಣಾಮಗಳು ಮುಂತಾದುವುಗಳ ಬಗ್ಗೆ ಖ್ಯಾತ ಲೇಖಕರಾದ ಎನ್.ಎಸ್‌.ಶ್ರೀಧರ ಮೂರ್ತಿ ಅವರು ವಸ್ತುನಿಷ್ಠ ಅಧ್ಯಯನ ನಡೆಸಿ ಈ ಕೃತಿಯನ್ನು ರಚಿಸಿದ್ದಾರೆ. ಈ ಕೃತಿಯನ್ನು ಓದಿದಂತೆಲ್ಲಾ ಆಯಾ ಚಿತ್ರದ ಬಗ್ಗೆ ಇದುವರೆಗೂ ನಿಮಗಿದ್ದ ಅಭಿಪ್ರಾಯಗಳು ಬೇರೆ ಸ್ವರೂಪ ಪಡೆದುಕೊಳ್ಳುತ್ತವೆ ಎಂಬುದು ಶ್ರೀಧರಮೂರ್ತಿಯವರ ಬರವಣಿಗೆಯ ಶಕ್ತಿ ಎಂದರೆ ತಪ್ಪಾಗುವುದಿಲ್ಲ. ಹೊಸದಾಗಿ ಚಿತ್ರರಂಗ ಪ್ರವೇಶಿಸುವವರಿಗೆ ಇದೊಂದು ಆಕರ ಗ್ರಂಥವಾಗಿ ಸಹ ಉಪಯೋಗಕ್ಕೆ ಬರುತ್ತದೆ ಎಂಬುದು ಈ ಕೃತಿಯ ಶಕ್ತಿ ಸಹ ಹೌದು.