ಕನ್ನಡ ಮ್ಯಾಕ್ ಬೆತ್
Original price was: ₹ 200.₹ 178Current price is: ₹ 178.
Book Details
Weight | .2 kg |
---|---|
Author | D V Gundappa |
ISBN | 1234567135574 |
Page Nos | 180 |
Publications | Sahitya Prakashana |
SYNOPSIS
ಮ್ಯಾಕ್ಬೆತ್ ನಾಟಕವು ಷೇಕ್ಸ್ಪಿಯರನ ಅತ್ಯಂತ ಪ್ರಸಿದ್ಧ ಕೃತಿಗಳಲ್ಲೊಂದಾಗಿರುವುದು… ಇಂಗ್ಲಿಷ್ ಜನತೆಯ ಆದರ್ಶ ಕವಿ ಷೇಕ್ಸ್ಪಿಯರ್.
ಮ್ಯಾಕ್ಬೆತ್ತನ ಕಥೆ ಪಾಪಕಥೆ. ಇದನ್ನು ಬರೆಯುವುದರಲ್ಲಿ ಷೇಕ್ಸ್ಪಿಯರನ ಉದ್ದೇಶ ಪಾಪದ ಭಯಂಕರತೆಯನ್ನು ತೋರಿಸಬೇಕೆಂಬುದೋ, ಅಥವಾ ಪಾಪದ ಅನಿವಾರ್ಯತೆಯನ್ನು ತೋರಿಸಬೇಕೆಂಬುದೋ, ನಾನು ತಿಳಿಯಲಾರೆ, ಪ್ರಪಂಚದ ಮಹಾಕವಿಗಳಲ್ಲಿ ಧರ್ಮವಿಚಾರದ ದೃಷ್ಟಿಯಿಂದ ಎರಡು ಜಾತಿಗಳಿರುವಂತೆ ತೋರುತ್ತದೆ: (೧) ಕೆಲವರು ರಹಸ್ಯದರ್ಶಕರು, (೨) ಕೆಲವರು ಸಂದೇಶದಾಯಕರು. ಷೇಕ್ಸ್ಪಿಯರು ಮುಖ್ಯವಾಗಿ ಜೀವನರಹಸ್ಯ ಪ್ರದರ್ಶಕನು; ಎಂದರೆ ಆ ಮನೋವಾಗತೀತವಾದ ರಹಸ್ಯವನ್ನು ನಮ್ಮಗಳಿಗೆ ಗೋಚರವಾಗಿಸುವುದು ಮನುಷ್ಯಶಕ್ತಿಗೆ ಎಷ್ಟು ಮಾತ್ರ ಸಾಧ್ಯವೆಂದು ಇದುವರೆಗೂ ತೋರಿದೆಯೋ ಅಷ್ಟು ಮಾತ್ರ ಗೋಚರ ಮಾಡಿಸಿರುವನು. ಮನುಷ್ಯನ ಜೀವನಪಥದಲ್ಲಿ ಎಂಥ ಏರುತಗ್ಗುಗಳಿವೆ; ಎಷ್ಟು ಅಡ್ಡದಾರಿ ಸೀಳುದಾರಿಗಳಿವೆ; ಎಂಥೆಂಥ ಸಂದುಗಳೂ ಇಕ್ಕಟ್ಟುಗಳೂ ಇವೆ; ಎಷ್ಟು ಮಟ್ಟೂ ಎಷ್ಟು ಹುಸಿಬೆಳಕೂ ಸೇರಿವೆ ಎಂಬೀ ವಿಷಮ ಸನ್ನಿವೇಶಗಳನ್ನು ಅವನು ದಿಕ್ಷದರ್ಶನ ಮಾಡಿ, ಜೀವನವೆಂಬ ಗಂಭೀರಗಾರದ ಬಾಗಿಲನ್ನು ಒಂದು ಕ್ಷಣ ತೆರೆದು ತೋರಿಸಿ, ನಮಗೆ ತನ್ನ ಉಪದೇಶವೇನೆಂಬುದನ್ನು ಮಾತ್ರ ಸ್ಪಷ್ಟಾಕ್ಷರಗಳಲ್ಲಿ ಉಸಿರದೆ ನಿಂತಿರುತ್ತಾನೆ. ಆಶೆ ನಮ್ಮ ಸ್ವಭಾವದಲ್ಲಿ ಹೇಗೆ ಅಡಗಿಕೊಂಡಿರುತ್ತದೆ, ಹೊರಗಣ ಸಂದರ್ಭ ಸನ್ನಿವೇಶಗಳು ಅದನ್ನು ಹೇಗೆ ಕೆಣಕಿ ಪ್ರೋತ್ಸಾಹಿಸುತ್ತವೆ; ಎಚ್ಚತ್ತು ಕೆರಳಿದ ಬಳಿಕ ಆ ಆಶೆ ಹೇಗೆ ನಮ್ಮ ಮೇಲೆ ಸವಾರಿಮಾಡುತ್ತದೆ ಎಂಬಿಷ್ಟನ್ನು ಚಿತ್ರಿಸುವುದರಿಂದ ಷೇಕ್ಸ್ಪಿಯರು ತೃಪ್ತನಾದಂತಿದೆ. ಆಶಾದೂಷಣೆಯೇ ಅವನ ಕಥೆಯ ಬೋಧನೆಯೆಂದು ನಾವು ಹೇಳಿದರೆ, ಅವನು ಅದಲ್ಲವೆನ್ನುವಂತಿಲ್ಲ. ಆದರೆ ಆಕೆ ಅಜಯ್ಯವೆಂಬುದೇ ಆ ಕಥೆಯ ಬೋಧನೆಯೆಂದೂ ಅವನು ಹೇಳಿದರೆ ನಾವು ಅದಲವೆನ್ನುವಂತಿಲ್ಲ.
ABOUT AUTHOR
Opinion of Others
There are no others opinion yet.
Reviews
There are no reviews yet.