ಪೊಲೀಸ್ ಜೀವನದಲ್ಲಿ ಹಾಸ್ಯ

ಇದು ಡಾ. ಡಿ.ವಿ. ಗುರುಪ್ರಸಾದ್‌ರವರ ಹಾಸ್ಯ ಕೃತಿ. ಗುರುಪ್ರಸಾದ್ ಕನ್ನಡ ಹಾಗೂ ಇಂಗ್ಲೀಷ್ ಭಾಷೆಗಳಲ್ಲಿ ಸುಲಲಿತವಾಗಿ ಬರೆಯುತ್ತಾರೆ. ಐಪಿಎಸ್ ಅಧಿಕಾರಿಯಾಗಿದ್ದಾಗ ಇವರು ತಮ್ಮ 36 ವರ್ಷಗಳ ಪೊಲೀಸ್ ಸೇವೆಯಲ್ಲಿ ಕಂಡಂತಹ ಹಲವಾರು ಮೋಜಿನ ಪ್ರಸಂಗಗಳನ್ನು ಈ ಕೃತಿಯಲ್ಲಿ ದಾಖಲಿಸಿದ್ದಾರೆ. ಹಾಸ್ಯ ಪ್ರಜ್ಞೆಯೂ ಇರುವ ಪೊಲೀಸ್ ಅಧಿಕಾರಿ ಎಂದೇ ಪರಿಚಿತವಾಗಿರುವ ಲೇಖಕರ ಲೇಖನಗಳಲ್ಲಿ ಸೂಕ್ಷ್ಮವಾದ ನವಿರಾದ ನಗೆಯನ್ನು ಅನುಭವಿಸಬಹುದು. ನಕ್ಕ ನಂತರ ಈ ಪ್ರಸಂಗಗಳು ಓದುಗರನ್ನು ಚಿಂತಿಸುವಂತೆ ಮಾಡುತ್ತವೆ. ಏಕೆಂದರೆ ಇವುಗಳಲ್ಲಿ ನಗೆಯ ಜತೆ ಅಚ್ಚರಿಯಿದೆ. ಅರಿವಿದೆ, ಚಿಂತನೆಯಿದೆ, ವಿಷಾದವೂ ಇದೆ.