ಬದುಕು ಒಂದು ರೀತಿಯ ಸಮುದ್ರದ ತೀರದ ಮೇಲಣ ಬಿಸಿ ಹಬೆಯಂತೆ.. ಇಲ್ಲಿ ತೊಳಲಾಟದ ಜೊತೆ ತಾಕಳಾಟ. ವೃಥೆಯ ಜೊತೆ ಕಥೆಗಳ ಕಾವ್ಯಾತ್ಮಕ ಚಿತ್ರಣದ ನೋಟ. ಹೀಗೆ, ಸಮಾಜದ ಧೋರಣೆಗಳ, ಸ್ಥಿಗತಿಗಳ ಜಾಗ್ರತಿ, ವ್ಯಕ್ತಿ ಗುಣಗಗಳ ಆಕೃತಿ, ಇಲ್ಲಿ ಸ್ಪಷ್ಟವಾಗಿ ಚಿತ್ರಿಸಿ ಸಂಸ್ಕರಿಸಿದ ಬರಹ ಪರಿಗೆ ಶರಣು. ಲೇಖಕರು ಯುವ ಕವಿಗಳು ಬರಹಗಾರರು ಆದಂತಹ ಬಸವರಾಜ ವನದುರ್ಗ ಅವರ ಕೆಂಪು ಬಸ್ಸಿನ ಸುಂದ್ರಿ ಎನ್ನುವ ಗ್ರಾಮದ ಸೊಬಗಿನ ಭಾಷೆಯ ಪ್ರೇಮ ಮೈಗೆ ಮೆತ್ತಿಕೊಂಡ, ಅದೇ ಹಸಿ ಮಣ್ಣ ಗಂಧದ ಕಥಾವಸ್ತು ನಮ್ಮೆಲ್ಲರನ್ನು ಸೆಳೆಯುತ್ತಾ ಓದಿಸಿಕೊಂಡು ಹೋಗುತ್ತದೆ. ಇದು ಇವರ ಮೊದಲ ಕಥಾಸಂಕಲನ ಎಂದೆನಿಸದೆ ವಿಶೇಷವಾದ ಪ್ರಬುದ್ಧ ಬರಹ ಮಾಯೆಯ ಹೊತ್ತ ಇಲ್ಲಿನ ಪ್ರತಿ ಕಥೆಗಳು ಓದುಗರ ಮನಸ್ಸನ್ನು ಸೆಳೆದು ಓದಿದ ನಂತರದ ಭಾವ ಸ್ಪರ್ಶವನ್ನು ಇಬ್ಬನಿ ತಬ್ಬಿದ ಇಳೆಯ ಹಾಗೆ ಕಾಯ್ದಿರಿಸಿಕೊಳ್ಳುತ್ತದೆ. 10 ಕಥೆಗಳು ವಿಭಿನ್ನ ವಿಶೇಷ ವೈಶಿಷ್ಟ್ಯತೆಯ ಭಾಪನ್ನು ಮೂಡಿಸುವ ಸೇತುವೆಯಂತೆ ಓದುಗನನ್ನು ಜಾಗೃತಿಗೊಳಿಸುವ ಪ್ರೇಮ, ಸಮಾಜದ ಬಿಂಬಗಳು, ವ್ಯಕ್ತಿತ್ವದ ಅರಿವು, ವಿನಯ, ಅಹಂಕಾರ, ಕುಡಿತ, ಜೂಜು... ಹೀಗೆ ಹತ್ತಾರು ವಾಸ್ತವತೆಯ ಬಿಚ್ಚಿಡುವ ಕಥಾಸಂಕಲನ ಎಲ್ಲರ ಮನಸ್ಸನ್ನು ತಲುಪುವುದರಲ್ಲಿ ಸಂಶಯವಿಲ್ಲ. ಇನ್ನೂ ಹೆಚ್ಚು ಹೆಚ್ಚು ಕೃತಿಗಳು ನಿಮ್ಮಿಂದ ಬರಲಿ. ಲೋಕಕಲ್ಯಾಣಕ್ಕೆ ಹಾಗೂ ಓದುಗನ ಅಭಿರುಚಿಗೆ ನಿಮ್ಮ ಈ ಕೃತಿ ಸೇರ್ಪಡೆಯಾಗಲಿದೆ ಎಂದು ಹಾರೈಸುವ ನಿಮ್ಮ ನೆಚ್ಚಿನ ಪ್ರಕಾಶಕಿ.
ಡಾ ಶೃತಿ ಮಧುಸೂದನ್
ಪ್ರ. ಸಂಪಾದಕರು. ಪ್ರಕಾಶಕರು
ಅಕ್ಷರ ನಾದ
ಬೆಂಗಳೂರು
959889261