ಕನ್ನಡ ಪ್ರಥಮ ವ್ಯಾಕರಣ

ಡಾ. ಎ.ಎನ್. ನರಸಿಂಹಯ್ಯನವರು ಕನ್ನಡ ಪ್ರಥಮ ವ್ಯಾಕರಣವನ್ನು ಪ್ರಾಥಮಿಕ ತರಗತಿಯ ವಿದ್ಯಾರ್ಥಿಗಳಿಗಾಗಿ ರಚಿಸಿದರು. ೧೯೩೮ರಲ್ಲಿ ಇದರ ಮೊದಲ ಮುದ್ರಣ ಬಂದ ಮೇಲೆ, ಇದು ಪಾಠವಾಗುತ್ತಿದ್ದ ಕಾಲದವರೆಗೆ ಪುನರ್ಮುಥದ್ರಣಗಳಾದವು. ಈಚೆಗೆ ಭಾಷಾಶಿಕ್ಷಣದಲ್ಲಿ ಹೊಸ ಹೊಸ ಚಿಂತನೆಗಳೂ ಪದ್ಧತಿಗಳೂ ಹೊರಟ ಮೇಲೆ ಈ ಪುಸ್ತಕ ಪುನರ್ಮು್ದ್ರಣವಾಗುವುದು ನಿಂತುಹೋದಂತೆ ತೋರುವುದು.
ಕನ್ನಡದ ಪ್ರಥಮ ವ್ಯಾಕರಣ ಒಂದು ಸುಂದರವಾದ, ಆಕರ್ಷಕವಾದ ಮಕ್ಕಳ ವ್ಯಾಕರಣಪಠ್ಯ ಎನ್ನುವುದರಲ್ಲಿ ಯಾವುದೇ ಸಂದೇಹವಿಲ್ಲ. ಒಬ್ಬ ಗಣ್ಯ ಭಾಷಾವಿಜ್ಞಾನಿಯ ರಚನೆ ಎನ್ನುವುದರಿಂದ ಅದಕ್ಕೆ ಒಂದು ಗಣ್ಯತೆಯುಂಟು. ಈ ಕಾಲದ ಮಕ್ಕಳು ಕೂಡ ಅದರ ಪಾಠಗಳನ್ನು ಕಲಿಯುವುದರಿಂದ, ಮನನ ಮಾಡುವುದರಿಂದ ತುಂಬ ಪ್ರಯೋಜನವಿದೆ.