ನಾಡಿಗೆ ಮೌಲ್ಯಯುತ ಕವಿತೆಗಳನ್ನು ನೀಡುತ್ತಾ, ಇತ್ತೀಚೆಗೆ ಸೈನ್ಸ್ ಫಿಕ್ಷನ್ ಕಾದಂಬರಿಗಳಿಂದ ತಮ್ಮನ್ನು ತಾವು ಗುರುತಿಸಿಕೊಂಡಿರುವ ಚೇತನ್ ಅವರು ಕನ್ನಡ ಸಾಹಿತ್ಯ ಲೋಕದಲ್ಲಿ ತಮ್ಮದೇ ಆದ ಛಾಪು ಮೂಡಿಸುತ್ತಿದ್ದಾರೆ. ‘ಗಂಡು ಜನ್ಮವೇಕೆ?’ ಎಂಬುದು ಹೆಣ್ಣು ಮಕ್ಕಳ ನಿಂಧನೆಯಲ್ಲ, ಹೆಣ್ಣನ್ನು ಇಲ್ಲಿ ದೂಷಿಸುವುದೂ ಇಲ್ಲ; ಬದಲಿಗೆ ಹೆಣ್ಣು ಗಂಡಿನ ವ್ಯತ್ಯಾಸವನ್ನು ಅತ್ಯಂತ ಸೂಕ್ಷ್ಮವಾದ ಗೆರೆಯಿಂದ ಬೇರ್ಪಡಿಸಲಾಗಿದೆ. ಗಂಡಿನ ಹಾಗೂ ಹೆಣ್ಣಿನ ಕರ್ತವ್ಯಗಳ ಒಗಟು ಬಿಡಿಸಲಾಗಿದೆ. ದೇಶದಲ್ಲಿ ಗಂಡಸರಿಗೆ ಆಗಿರುವಂತಹ ಅನೇಕ ನೋವು, ಶೋಷಣೆಗಳು ಹಾಗೂ ಅವುಗಳನ್ನು ಸರಿಪಡಿಸುವ ದೃಷ್ಟಿಕೋನವಾಗಿ ಈ ಪುಸ್ತಕ ಕರ್ನಾಟಕಕ್ಕೆ ಬರುತ್ತಿದೆ. ಇದರಲ್ಲಿರುವ ವಿಚಾರಗಳ ಬಗ್ಗೆ ಪ್ರತಿಯೊಬ್ಬರೂ ಯೋಚಿಸಬೇಕು, ಚರ್ಚೆ-ಸಂವಾದ ಮಾಡಬೇಕು, ತಮ್ಮನ್ನು ತಾವೇ ಪ್ರಶ್ನಿಸಿಕೊಳ್ಳಲೂ ಬೇಕು. ಗಂಡು ಜನ್ಮವೇಕೆ? ಎಂಬ ವ್ಯಂಗ್ಯ ಪ್ರಶ್ನೆಗೆ ಈ ಪುಸ್ತಕವೇ ವ್ಯಂಗ್ಯ ಉತ್ತರವಾಗಿದೆ.
-ಪ್ರಶಾಂತ್ ಸಂಬರ್ಗಿ
ಖ್ಯಾತ ಸಾಮಾಜಿಕ ಕಾರ್ಯಕರ್ತ