ಗೆಲುವು ಎಂದರೇನು?
ಈ ಪ್ರಶ್ನೆಗೆ ಉತ್ತರಿಸುವ ಪ್ರಯತ್ನದಲ್ಲಿ ಶೇಖರ್‌ರವರು ಕೇಳಿಕೊಂಡಿರುವ ಪ್ರಶ್ನೆಗಳು ಓದುಗರನ್ನು ಆಲೋಚನೆಗೆ ದೂಡುತ್ತಾ ಪ್ರಚೋದಿಸುತ್ತವೆ. ಈ ಪ್ರಶ್ನೆಗಳಿಗೆ ಅವರು ಕಂಡುಕೊಂಡ ಉತ್ತರ ಇಡೀ ಪುಸ್ತಕವನ್ನು ಆವರಿಸಿಕೊಳ್ಳುತ್ತಾ ಪುಸ್ತಕವನ್ನು ಓದಿ ಮುಗಿಸಿದ ನಂತರವು ಓದುಗರನ್ನು ಕಾಡುವುದು ನಿಜ!
ಪುಸ್ತಕದ ಮುಖ್ಯ ವಿಶಿಷ್ಟತೆಯೆಂದರೆ “ಗೆಲುವಿನ ವಲಯ” ಎಂಬ ಪರಿಕಲ್ಪನೆಯನ್ನು ಮತ್ತು “ಗೆಲುವಿನ ವಲಯದ ಸ್ವಯಂ-ಮೌಲ್ಯಮಾಪನದ ಸಾಧನ”ವನ್ನು ಪರಿಚಯಿಸಿರುವುದು. ಕನ್ನಡದಲ್ಲಿ ಈ ರೀತಿಯ ಸ್ವಯಂ ಮೌಲ್ಯಮಾಪನದ ಸಾಧನಗಳು ಬಹಳ ವಿರಳ, ಈ ಮಾಪನದ ಮೂಲಕ ಓದುಗರು ತಮ್ಮ ವಾಸ್ತವ ಗೆಲುವಿನ ವಲಯವನ್ನು ವ್ಯವಸ್ಥಿತವಾಗಿ ಮತ್ತು ತಾರ್ಕಿಕವಾಗಿ ತಿಳಿದುಕೊಳ್ಳಬಹುದು.