ಜನಮಿತ್ರ ಅರಸು

ಜನಮಿತ್ರ ಅರಸು ನಾಟಕವು ದೇವರಾಜ ಅರಸು ಅವರ ಸಮಾಜಮುಖಿ ಕೊಡುಗೆಗಳನ್ನು ಹೇಳುತ್ತದೆ. ಅವರು ಚಿಂತಿಸಿದ ಜನಪರ ಸಾಧನೆಗಳು ದೇಶದ ಯಾವುದೇ ರಾಜ್ಯದಲ್ಲೂ ಜಾರಿಗೆ ಬಂದಿಲ್ಲ. ಅಮಾನುಷವಾದ ಮಲ ಹೊರುವ ಪದ್ಧತಿ ನಿಷೇಧಿಸುವ ಕಾನೂನು , ಜೀತ ವಿಮುಕ್ತಿಯ ಕಾನೂನು, ಉಳುವವನೇ ಭೂ ಒಡೆಯ- ಈ ಮುಂತಾದವುಗಳನ್ನು ಕಥೆಯ ಹಂದರದಲ್ಲಿ ನಾಟಕ ಕಟ್ಟಿ ಹೇಳಲಾಗಿದೆ. ಮಲ ಹೊರುವ ದೃಶ್ಯ ಅಂತೂ ಅತ್ಯಂತ ಭೀಭತ್ಸ, ಕರುಣಾ ರಸದಿಂದ ಕೂಡಿದೆ. ಓದುಗನಲ್ಲಿ ಕಂಪನ ಉಂಟುಮಾಡುತ್ತದೆ. ಈ ನಾಟಕ ಪ್ರಯೋಗಗೊಂಡು ಯಶಸ್ವಿಯಾಗಿ ತಿರುಗಾಟ ಮಾಡಿದೆ. ಎಲ್ಲರ ಮೆಚ್ಚುಗೆಗೆ ಪಾತ್ರವಾದ ಈ ನಾಟಕವನ್ನು ನೀವೊಮ್ಮೆ ಓದಲೇಬೇಕು.