ಆನ ಬಂದಳು ಮತ್ತು ಇತರ ಕಥೆಗಳು

ಈ ಸಂಕಲನದ ಶೀರ್ಷಿಕೆ ಕಥೆಯಾದ ‘ಆನ ಬಂದಳು’ ಓದಿ ನನಗೆ ನಿಜಕ್ಕೂ ಅಚ್ಚರಿಯಾಯಿತು. ಇದೊಂದು ಐತಿಹಾಸಿಕ ಹಿನ್ನಲೆಯ, ಜನ್ಮಾಂತರದ, ಕಾಲ್ಪನಿಕ ಪ್ರೇಮಕಥೆ. ಆದರೆ ಇದರ ನಿರೂಪಣೆ ಎಷ್ಟು ಸೊಗಸಾಗಿದೆಯೆಂದರೆ ಇದು ನೈಜ ಕಥೆಯೆಂದೇ ನಮಗೆ ಭಾಸವಾಗುತ್ತದೆ. ಇದು ಕಥೆಗಾರರಾಗಿ ಅನಂತ್ ಅವರ ಯಶಸ್ಸು. ಇದಕ್ಕಾಗಿ ಅವರನ್ನು ನಾನು ಹೃತೂರ್ವಕವಾಗಿ ಅಭಿನಂದಿಸುತ್ತೇನೆ. ಸಂಕಲನದ ಉಳಿದ ಕಥೆಗಳಲ್ಲಿ ಕೆಲವು ಅರೆಕೊರೆಗಳು ಇವೆಯಾದರೂ ಅವೂ ಸಹ ಸ್ವಾರಸ್ಯಕರವಾಗಿ ಓದಿಸಿಕೊಳ್ಳುತ್ತವೆ.