ನೀ ದೂರ ಹೋದಾಗ

Very inspiring story. ಈ ಕಾದಂಬರಿಯಿಂದ ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬಹುದಾದಂತಹ ವಿಷಯಗಳು ತುಂಬಾ ಇವೆ. ಒಂದು ಹೆಣ್ಣು ಮನಸ್ಸು ಮಾಡಿದರೆ ಏನನ್ನಾದರೂ ಸಾಧಿಸಬಹುದು ಎಂದು ತೋರಿಸಿಕೊಟ್ಟಿದೆ. Worth reading this book ♥️

ನೀ ದೂರ ಹೋದಾಗ
ಶೀರ್ಷಿಕೆಯನ್ನು ನೋಡಿದಾಗ ಯಾವುದೊ ಒಂದು ಪ್ರೇಮ ಕಾದಂಬರಿ ಇರಬಹುದು ಎಂದೆನಿಸಿತ್ತು ಆದರೆ ಅದು ಕೇವಲ ಪ್ರೇಮ ಕಾದಂಬರಿಯಾಗಿರದೆ ಒಬ್ಬ ಸಾಮಾನ್ಯ ಹೆಣ್ಣಿ ನ ಜೀವನದಲ್ಲಿ ನಡೆಯಬಹುದಾದ , ನಡೆದಂತಹ ನೈಜ ವಿಚಾರಗಳನ್ನು , ಘಟನಾವಳಿಗಳನ್ನು ನಮ್ಮ ಲೇಖಕಿಯವರು ಇಲ್ಲಿ ತೋರಿಸಿದ್ದಾರೆ. ಒಂದು ಪುಟ್ಟ ಹಳ್ಳಿಯಲ್ಲಿ ಜನಿಸಿ ಅನೇಕ ರೀತಿಯ ಕಷ್ಟ-ನಷ್ಟ , ನೋವು-ನಲಿವು , ಅವಮಾನಗಳನ್ನು ಎದುರಿಸಿ ಛಲದಿಂದ ಅವುಗಳನ್ನು ಮೆಟ್ಟಿ ನಿಂತು ಸರಿಗಟ್ಟಿ ಸಾಗರದಾಚೆಯ ದುಬೈ ಎಂಬ ನಗರಕ್ಕೆ ಹೋಗಿ ಜೀವನ ರೂಪಿಸಿಕೊಂಡ ಫೌಜಿಯ ಎಂಬ ಹೆಣ್ಣು ಮಗಳ ಸಾಹಸ ಯಶೋಗಾಥೆಯೆ ನೀ ದೂರ ಹೋದಾಗ. ಚಿಕ್ಕ ವಯಸ್ಸಿನಲ್ಲಿಯೇ ತಂದೆ ಪ್ರೀತಿಯಿಂದ ವಂಚಿತಳಾಗಿ ,ಸಂಬಂಧಿಕರ ಮನೆಯಲ್ಲಿ ಬೆಳೆದು ವಯಸ್ಸಿಗೆ ಬರುವ ಸಮಯದಲ್ಲಿ ಉಂಟಾದ ಅಣ್ಣನ ಮರಣದಿಂದಾಗಿ ಇಡೀ ಮನೆಯ ಜವಾಬ್ದಾರಿಯನ್ನು ಹೊರುವಂತಾಯಿತು . ಇದರ ನಡುವೆ ರಿಫಾಯಿಯ ಪ್ರೇಮದಿಂದಾದ ಅವಾಂತರಗಳು, ಒಂದ ಎರಡ ಹೇಳುತ್ತಾ ಹೋದರೆ ಮುಗಿಯದು. ಬಡತನ , ಚುಚ್ಚುಮಾತುಗಳು , ಅವಹೇಳನಗಳು , ಅಪಪ್ರಚಾರಗಳ ನಡುವೆಯೇ ತನ್ನ ಉನ್ನತ ಶಿಕ್ಷಣಾಭ್ಯಾಸವನ್ನು ಪೂರ್ಣಗೊಳಿಸಿ ಸ್ವಲ್ಪ ದಿನಗಳ ಮಟ್ಟಿಗೆ ಶಿಕ್ಷಕಿಯಾಗಿ ಕಾರ್ಯನಿರ್ವಹಿಸಿ ನಂತರ ದುಬೈನಲ್ಲಿನ ಒಂದು ಕಂಪನಿಯಲ್ಲಿ ಕೆಲಸ ಗಿಟ್ಟಿಸಿ ಜೀವನ ಸಾಗಿಸುತ್ತಿರುವ ಫೌಝಿಯಾಳು ನಡೆದು ಬಂದ ಹಾದಿ ಒಂದು ಮಾದರಿಯೇ ಸರಿ. ಒಟ್ಟಾಗಿ ಹೇಳುವುದಾದರೆ ಈ ಕಾದಂಬರಿಯು ಸ್ನೇಹ, ಪ್ರೀತಿ-ಪ್ರೇಮ,ಭಾವನೆ,ಬಡತನ, ಕಷ್ಚ, ನೋವು-ನಲಿವು , ಹಠ-ಛಲ, ಗುರಿ ಎಲ್ಲವನ್ನೂ ಒಳಗೊಂಡಿದೆ.

ನೀನು ರಿಯಲಿ ಗ್ರೇಟ್ ಫೌಝಿ. ತುಂಬಾ ಧೈರ್ಯದವಳು ನೀನು. ಜೀವನದಲ್ಲಿ ಹೆಣ್ಣಾಗಿ ಹುಟ್ಟಿದ್ದು ತಪ್ಪು ಎಂದು ತುಂಬಾ ಸಲ ಕಥೆಯಲ್ಲಿ ಹೇಳಿದ್ದೀಯಾ, ಆದರೆ ಹೆಣ್ಣಾದರೂ ಜೀವನದಲ್ಲಿ ಛಲ ಇದ್ದರೆ ಏನು ಬೇಕಾದರೂ ಸಾಧಿಸಬಹುದೆಂಬುದಕ್ಕೆ ನೀನೇ ಮಾದರಿ. ಹೊಸ ದೇಶಕ್ಕೆ ಹೋಗಿ, ಅಲ್ಲಿ ಕೆಲಸ ಹುಡುಕಿ ಸೆಟಲ್ ಆಗುವುದು ಎಂದರೆ ತಮಾಷೆಯ ವಿಷಯವಲ್ಲ. ಅಲ್ಲಿ ಕಷ್ಟ ಬಂದು, ನಿನ್ನ ಜೀವನದಲ್ಲಿ ಈ ಹಂತಕ್ಕೆ ತಲುಪಿರುವ ನಿನಗೆ ಹ್ಯಾಟ್ಸಾಫ್. ನಿಜವಾಗಿಯೂ ನಿನ್ನ ಧೈರ್ಯವನ್ನು ಮೆಚ್ಚಬೇಕಾಗಿದೆ. ನಿನ್ನ ಕಥೆಯಲ್ಲಿ ಎಷ್ಟು ಸತ್ಯವಿದೆ ಎಂದರೆ ಅದನ್ನು ಓದುವಾಗಲೇ ಕಣ್ಣೀರು ಬರುತ್ತದೆ. ಜೀವನದಲ್ಲಿ ಎಲ್ಲರಿಗೂ ಒಂದಲ್ಲ ಒಂದು ರೀತಿಯ ಕಷ್ಟ ಇದ್ದೇ ಇದೆ. ಆದರೆ ನೀನು ಬಂದ ಕಷ್ಟವನ್ನು ಸಹಿಸಿಕೊಂಡು, ತಾಳ್ಮೆಯನ್ನು ಬಿಡದೆ, ಎಲ್ಲವನ್ನು ಮೆಟ್ಟಿ ನಿಂತ ನಿನಗೆ, ನನ್ನಲ್ಲಿ ಹೇಳಲು ಪದಗಳು ಸಿಗುತ್ತಿಲ್ಲ. ದಯವಿಟ್ಟು ಎಲ್ಲರೂ ಈ ಪುಸ್ತಕವನ್ನು ತೆಗೆದುಕೊಂಡು ಓದಿ. ನಿನ್ನ ಬಾಳು ಬಂಗಾರವಾಗಲಿ ಇನ್ನಷ್ಟು ಪುಸ್ತಕವನ್ನು ಬರೆಯುವಂತಾಗಲಿ. ನೀನು ಇಷ್ಟ ಪಟ್ಟ ಹುಡುಗ ಆಮೇಲೆ ನಿನ್ನ ಜೀವನ ಹೇಗೆ ಇತ್ತು ಎಂಬುದರ ಕಥೆಯು ಮುಂದೆ ಬರಲಿ ಎಂದು ಆಶಿಸುತ್ತೇನೆ. ವೆಲ್ಡನ್ ಫೌಝಿ. ಕೀಪ್ ಅಪ್ ದಿ ಗುಡ್ ವರ್ಕ್. ದೇವರು ನಿನಗೆ ಸಂಪತ್ತು ಸಂತೋಷ ಮತ್ತು ಯಶಸ್ಸನ್ನು ನೀಡಲಿ.

I read few story it’s really nice my dear frnd . I wish u all the best and best of luck for yo ur future . 👏 nee dura hodaga nice book I can recommend everyone ..

ನೀ ದೂರ ಹೋದಾಗ ಶೀರ್ಷಿಕೆಯ ಹೆಸರು ತಿಳಿದು ಕತೆಯು ನೀನು ವಿದೇಶಕ್ಕೆ ಹೋದ ಬಗ್ಗೆ ಅಂತ ತಿಳಿದಿದ್ದೇ, ಆದರೆ ಜೀವನದಲ್ಲಿ ಮೇಲಿಂದ ಮೇಲೆ ಕಷ್ಟ ಪಟ್ಟು ಅದನ್ನು ಮೆಟ್ಟಿ ನಿಂತ ಛಲಗಾರ್ತಿಯ ಕಥೆ ಅಂತ ಆಮೇಲೆ ತಿಳಿಯಿತು. ತುಂಬ ಅದ್ಭುತವಾಗಿ ಮೂಡಿ ಬಂದಿದೆ. ಜೀವನದಲ್ಲಿ ಮೇಲಿಂದ ಮೇಲೆ ಕಷ್ಟಪಟ್ಬವರೇ ಮುಂದೊಂದು ದಿನ ತಾವು ಇಷ್ಟ ಪಟ್ಟ ಹಾಗೆ ಜೀವಿಸುತ್ತಾರೆ ಅದಕ್ಕೆ ನೀನೇ ಉದಾಹರಣೆ… ಛಲ, ತಾಳ್ಮೆ ಎಲ್ಲಾ ಹೆಣ್ಣು ಮಕ್ಕಳಲ್ಲಿ ಇರಬೇಕು. ನಿನಗೆ ಶುಭವಾಗಲಿ ಗೆಳತಿ……… ಮುಂದಿನ ಪುಸ್ತಕ ಬೇಗನೆ ಮುದ್ರಣವಾಗಲಿ……..

ಸಾಗರದಿಂದ ಆರಂಭವಾಗುವ ನಿಮ್ಮ ಸನ್ನಿವೇಶಗಳು ಚೆನ್ನಾಗಿ ಮೂಡಿಬಂದಿದೆ.ಕಷ್ಟದ ಸಂದರ್ಭದಲ್ಲಿ ನಿಮ್ಮ ಸ್ನೇಹಿತರು ತುಂಬಾ ಸಹಾಯ ಮಾಡಿದ್ದಾರೆ. ಅದೆಲ್ಲವನ್ನು ನೀವು ಮಾರ್ಮಿಕವಾಗಿ ಬರೆದಿದ್ದೀರಿ. ನೀವು ಕಾದಂಬರಿಯಲ್ಲಿ ಬರೆಯುವ ಪದಗಳು ಸಿನಿಮಾವನ್ನು ನೋಡಿದಂತೆ ಒಂದು ಅನುಭವ ತರಿಸುತ್ತದೆ. ಎಲ್ಲಕ್ಕಿಂತ ಮುಖ್ಯವಾಗಿ ಕಂಡಿರುವುದು ಅಣ್ಣ ತೀರಿಹೋದ ಸಂದರ್ಭ. ಅದನ್ನು ನೀವು ತುಂಬಾ ಎದೆಯಾಳದಿಂದ ಬರೆದಿದ್ದೀರಿ. ಅದು ನಮಗೆ ತುಂಬಾ ನೋವು ತರಿಸಿದೆ. ಆ ಸಾವಿನ ಮನೆಯಲ್ಲಿ ನಾವು ಇದ್ದಹಾಗೆ ಭಾವನೆ ಬರುತ್ತದೆ. ಬರವಣಿಗೆಯಲ್ಲಿ ಅದೇ ಮುಖ್ಯ. ಆ ದಾಟಿಯಲ್ಲಿ ಒಂದು ಕಡೆ ಎಲ್ಲಿಯಾದರೂ ಬರೆಯಿರಿ. ಅದು ತುಂಬಾ ಪರಿಣಾಮಕಾರಿಯಾಗಿ ಗೋಚರಿಸುತ್ತಾ ಉಂಟು. ಆ ಶೈಲಿ, ಆ ಭಾಷೆ, ಆ ಸಂದರ್ಭ ಅದೆಲ್ಲಾ ತುಂಬಾ ಚೆನ್ನಾಗಿ ಮೂಡಿಬಂದಿದೆ. ನಿಮಗೆ ಶುಭವಾಗಲಿ.

ಫೌಝಿಯಾ ಸಲೀಂ ರವರ ಕಾದಂಬರಿ “ನೀ ದೂರ ಹೋದಾಗ” ಇದು ಒಬ್ಬ ಹೆಣ್ಣೊಬ್ಬಳು ಸ್ವತಂತ್ರಕ್ಕಾಗಿ ಹೋರಾಡುವ ಜೀವನದ ಕಥಾನ ಎಂದರೆ ತಪ್ಪಾಗಲಾರದು. ತನಗಾಗಿ ತನ್ನತನಕ್ಕಾಗಿ ಪ್ರತಿಕ್ಷಣವೂ ಹೋರಾಡುತ್ತ ಬದುಕುತ್ತಾಳೆ. ಅವಳಿಗೆ ಅವಳದೇ ಆದ ಕೆಲವೊಂದು ಕಟ್ಟುಪಾಡುಗಳಿವೆ. ಬದುಕಿಗೆ ಹಾಕಿಕೊಂಡ ರೀತಿ ನಿಯಮಗಳಿವೆ. ಅವಳೆಷ್ಟೆ ಮುಂದುವರಿದಿದ್ದರೂ ತನ್ನೊಳಗಿನ ಚೌಕಟ್ಟು ಮೀರಲಾರಳು. ತಾನು ಅಂದುಕೊಂಡ ರೇಖೆಯನ್ನು ಬದಲಿಸಲಾರಳು. ಇದು ಪ್ರತಿಯೊಬ್ಬ ಹೆಣ್ಣಿನೊಳಗಿರುವ ಸ್ವಭಾವ. ಒಮ್ಮೆ ಬಿರುಗಾಳಿಯಾದರೆ ಮತ್ತೊಮೆ ಶಾಂತಮೂರ್ತಿಯಾಗಿ ಸಂತೈಸುವವಳೇ ಈ ಹೆಣ್ಣು. ಹೆಣ್ಣೆಂದರೆ ಜೀವ ಚೈತನ್ಯವಿದ್ದಂತೆ. ನೋವಲ್ಲೂ ನಗುವನ್ನ ಕಲಿತವಳು. ಸೋತಾಗ ಸಂತೈಸಿ ಮೈದಡವುವ ಕರುಣಾಮಯಿ. ಅತ್ತಾಗ ಮಡಿಲಲ್ಲಿ ಸಾಂತ್ವನಿಸುವ ಮಮತಾಮಯಿ. ಅದಕ್ಕೆ ಹೆಣ್ಣೆಂದರೆ ಶಕ್ತಿ.

ನೀ ದೂರ ಹೋದಾಗ ಕಾದಂಬರಿಯು ಒಂದು ಚಿಕ್ಕ ಹಳ್ಳಿಯಲ್ಲಿ ಬೆಳೆದ ಹೆಣ್ಣು ಮಗಳು ಒಬ್ಬಳು ವಿದೇಶದಲ್ಲಿ ಯಾವ ರೀತಿ ಬದುಕುತ್ತಿದ್ದಾಳೆ ಎಂಬುದರ ಸತ್ಯ ಘಟನೆ ಆಧಾರಿತವಾದ ಕಾದಂಬರಿ. ಸ್ತ್ರೀಸಂವೇದನೆಯ ನೆಲೆಗಳು ಮುಟ್ಟುತ್ತಿರುವ ಹಾದಿಗಳನ್ನು ಗುರುತಿಸುವ ಪುಟ್ಟ ಪ್ರಯತ್ತ ಇದು ಎನ್ನಬಹದು. ಹಾಗೆಯೇ ಇಲ್ಲಿ ವಿಶ್ಲೇಷಣೆಗೆ ಹೆಚ್ಚು ಗಮನಹರಿಸಿ ಉದಾಹರಣೆಗಳನ್ನು ಕ್ವಚಿತ್ತಾಗಿ ಬಳಸಿ ಕೊಳ್ಳಲಾಗಿದೆ. ಸದ್ಯದ ವರ್ತಮಾನದಲ್ಲಿ ಬರೆಯತ್ತಿರುವ ಸ್ತ್ರೀಲೇಖಕಿಯರ ಬರವಣಿಗೆಗಳ ಬಗ್ಗೆಯೇ ನಾನು ಹೆಚ್ಚು ಕುತೂಹಲಿ ಎಂದರೆ ತಪ್ಪಾಗಲಾರದು.

ಫೌಝಿಯಾ ಪಟ್ಟ ಕಷ್ಟಗಳು ಎಲ್ಲವೂ ಸೇರಿ ದೃಢ ನಿರ್ಧಾರದಿಂದ ಬೆಳೆದು ದೊಡ್ಡವಳಾಗಿ ಎಲ್ಲರಂತೆ ತಾನು ಒಬ್ಬಳು ದಿಟ್ಟ ಮಹಿಳೆಯಾಗಿ ಬೆಳೆಯಬೇಕೆಂಬ ಆಸೆಯಿಂದ ಕನಸುಗಳನ್ನು ಕಟ್ಟಿಕೊಂಡು ಕೆಲಸಗಳನ್ನು ಹುಡುಕುತ್ತಾ ಜೀವನವನ್ನು ಸಾಗಿಸುವ ರೀತಿ. ಹೆಣ್ಣು ಮಗಳೊಬ್ಬಳು ಯಾರ ಸಹಾಯವೂ ಇಲ್ಲದೆ ಯಾರಿಂದಲೂ ಹಣವನ್ನು ಪಡೆಯುತ್ತೆ ತಾನು ದುಡಿದ ಹಣದಲ್ಲೇ ಸ್ವಲ್ಪವನ್ನು ಶೇಖರಣೆ ಮಾಡಿ ಇಟ್ಟುಕೊಂಡು ದುಬೈಗೆ ಆರುವ ರೀತಿ ಅವಳು ಪಡುವ ಕಷ್ಟಗಳನ್ನು ಇಂಚಿಂಚಾಗಿ ಪ್ರತಿಯೊಂದು ವಿವರಣಾತ್ಮಕವಾಗಿ ತಿಳಿಸಿಕೊಟ್ಟಿದ್ದಾರೆ ಇಲ್ಲಿ ಹೆಣ್ಣು ಮಗಳೋಒಬ್ಬಳು ತನ್ನ ಜೀವನವನ್ನು ಯಾವ ರೀತಿ ಯಾರ ಸಹಾಯವೂ ಇಲ್ಲದೆಯೇ ಬಂಧು-ಬಳಗ, ಕುಟುಂಬ ವರ್ಗದವರ ಸಹಾಯವು ಇಲ್ಲದೇ ಜೀವನದ ಹೋರಾಟದಲ್ಲಿ ಬದುಕುತ್ತಾಳೆ ಎಂಬುದನ್ನು ತಿಳಿಸಿಕೊಟ್ಟಿದ್ದಾರೆ.

ಇಲ್ಲಿ ಬರುವ ಕೊನೆಯ ಪ್ರವಾಸಿಯಲ್ಲಿ ಆ ಹೆಣ್ಣು ಮಗಳು ದುಬೈಗೆ ಹೋದಾಗ ಅವಳು ಅನುಭವಿಸುವ ಕಷ್ಟಗಳು ಉದ್ಯೋಗ ಸಿಗದೇ ಯಾವ ರೀತಿ ಜೀವನ ನಡೆಸುತ್ತಿದಳು ಎಂಬುದನ್ನು ನೀವು ಈ ಕಾದಂಬರಿಯಲ್ಲಿ ತಿಳಿಯಬೇಕಾದ ಮುಖ್ಯ ಅಂಶ. ಕೊನೆಗೆ ಅವಳಿಗೆ ಕೆಲಸ ಸಿಕ್ಕಿತೆ..! ಕೊನೆಗೆ ಆ ಹೆಣ್ಣು ಮಗಳು ಭಾರತಕ್ಕೆ ಬರುವಳೇ….! ಎಂಬುದನ್ನು ನೀವು ಕಾದಂಬರಿಯನ್ನು ಓದಿ ತಿಳಿದುಕೊಳ್ಳಬೇಕಾಗಿ ವಿನಂತಿ. ಇದು ಸ್ತ್ರೀವಾದಿ ದೃಷ್ಟಿಯಿಂದ ಮಹತ್ತ್ವದ ಕೃತಿಯಾಗಿದೆ. ಏಕೆಂದರೆ ಇದು ಒಬ್ಬ ನೊಂದು-ಬೆಂದು ಹೋದ ದಿಟ್ಟ ಹೆದ್ದೂಬ್ಬಳ ಜೀವನದ ಹೋರಾಟದ ನೈಜ ಕಥೆ..! ಒಂದು ಮುಸ್ಲಿಂ ಸಮುದಾಯದ ಹೆಣ್ಣು ಹಾಗೂ ಕೋಮು ಸೂಕ್ಷ್ಮ ಪ್ರದೇಶವಾಗಿರುವ ಕರಾವಳಿ ಪ್ರದೇಶದ ಕಥೆ.